“ለጥቃቱ ያሰማራቸውን አካል በቅርቡ ይፋ አደርጋለሁ” ብሔራዊ የደኅንነት አገልግሎት

ኢዛ (ዓርብ ጥር ፰ ቀን ፳፻፲፪ ዓ.ም. January 17, 2020)፦ የዓለም የማይዳሰስ ቅርስ በመኾን በዩኔስኮ እንዲመዘገብ እውቅና የተሠጠው የጥምቀት በዓል በሚከበርበት ዋዜማ ላይ በዓሉ በድምቀት ከሚከበርባቸው አንዱ በኾነው በጎንደር በተኩስ የተቀናጀ ከፍተኛ ፍንዳታ ለመፈጸም በዝግጅት ላይ የነበሩ የጥፋት ኃይሎች በቁጥጥር ሥር መዋላቸው ተገለጸ።

የስድስት ወር ገቢው ከ22.04 ቢሊዮን ብር በላይ ሆኗል

ኢዛ (ሐሙስ ጥር ፯ ቀን ፳፻፲፪ ዓ.ም. January 16, 2020)፦ በሽያጭ ወደ ግል ይዛወራሉ ተብለው ከሚጠበቁት ግዙፎቹ የመንግሥት ኩባንያዎች ውስጥ አንዱ የኾነው ኢትዮ ቴሌኮም በ2012 በጀት ዓመት በግማሽ ዓመት 22.04 ቢሊዮን ብር አጠቃላይ ገቢ ማግኘቱንና ይህም በ2011 ዓ.ም. በተመሳሳይ ወቅት ካገኘው ገቢ የ32 በመቶ ብልጫ እንዳለው አመለከተ።

በግጭቶቹ እርምጃ የተወሰደባቸው ከ900 በላይ ናቸው

ኢዛ (ሐሙስ ጥር ፯ ቀን ፳፻፲፪ ዓ.ም. January 16, 2020)፦ በተለያዩ ዩኒቨርሲቲዎች ውስጥ በሚፈጠሩ ግጭቶችና አለመረጋጋቶች በደኅንነት ሥጋት ከ35 ሺሕ በላይ ተማሪዎች ትምህርት ገበታቸው ላይ አለመኾናቸው ተመለከተ። ከ900 በላይ ተማሪዎችና የአስተዳደር ሠራተኞች ላይ እርምጃ ስለመወሰዱም ተገልጿል።

ድምፅ መስጫው ቀን ነኀሴ 10 እንዲኾን ቦርዱ አቅዷል

ኢዛ (ረቡዕ ጥር ፮ ቀን ፳፻፲፪ ዓ.ም. January 15, 2020)፦ የኢትዮጵያ ምርጫ ቦርድ ቀጣዩን አገራዊ ምርጫ ለማካሔድ የሚያስችለውን ረቂቅ የምርጫ ሰሌዳውን ይፋ ሲያደርግ፤ የምርጫው ቀን ነኀሴ 10 ቀን 2012 ዓ.ም. እንደሚኾን አመላክቷል።

የእነ አቶ በረከት የመከላከያ ምስክሮች ቃል መሰማት ጀመረ

አቶ ደመቀ፣ አቶ ገዱና አቶ ኃይለማርያም በመከላከያ ምስክርነት ቢካተቱም አልቀረቡም

ኢዛ (ማክሰኞ ጥር ፭ ቀን ፳፻፲፪ ዓ.ም. January 14, 2020)፦ እነ አቶ በረከት ስምኦን በተመሠረተባቸው ክስ የመከላከያ ምስክሮቻቸውን ዛሬ ማሰማት ጀምረዋል።

የዓመቱ አሥራ ስምንተኛ ሳምንት አንኳር ማኅበራዊ፣ ኢኮኖሚያዊና ፖለቲካዊ ክንውኖች

ኢዛ (ከታኅሣሥ 27 - ጥር 3 ቀን 2012 ዓ.ም.)፦ ባሳለፍነው ሳምንት ጐልተው ከሚጠቀሱ ዜናዎች ውስጥ የሕዝብ ተወካዮች ምክር ቤት የጦር መሣሪያ አስተዳደርና ቁጥጥር አዋጅን ማጽደቁ አንዱ ነው። በዚህ አዋጅ እንደ ሴንጢ፣ ሳንጃ፣ ገጀራ፣ … የመሳሰሉትን አደገኛ በኾነ ሁኔታ መገልገልና በብዛት መያዝ ክልከላ የተደረገበት መኾኑን የሚያመለክት አንቀጽ ያለው ነው። ያለፍቃድ ዘመናዊ ከኾኑ መሣሪያዎች ከጦር ሜዳ መነፅር ጀምሮ የተለያዩ መሣሪያዎችን መያዝ ማከማቸት ማምረትና ማዘዋወር እንደማይቻልም ይደነግጋል።

መመሪያ ከመጽደቁ በፊት ከፓርቲዎች ጋር የተለያዩ ውይይቶች መደረጋቸው ተገልጿል

ኢዛ (ረቡዕ ታኅሣሥ ፳፱ ቀን ፳፻፲፪ ዓ.ም. January 8, 2020)፦ በወራት ልዩነት በሚካሔደው አገር አቀፉ ምርጫ ዝግጅት እያደረገ ያለው የኢትዮጵያ ምርጫ ቦርድ በአዲሱ የምርጫ ቦርድ አዋጅ መሠረት የፖለቲካ ፓርቲዎች ምዝገባን የተመለከተ መመሪያ አወጣ።

የዓመቱ አሥራ ሰባተኛ ሳምንት አንኳር ማኅበራዊ፣ ኢኮኖሚያዊና ፖለቲካዊ ክንውኖች

ኢዛ (ከታኅሣሥ 20 - 26 ቀን 2012 ዓ.ም.)፦ ያሳለፍነው ሳምንት ከፖለቲካዊ ጉዳዮች አንፃር ለየት ያለ ክስተቶችን ያስተናገደ ነው ሊባል የሚችል ነው። በጣት የሚቆጠሩ ወራት የቀሩትን አገራዊ ምርጫ የተመለከቱ ቅስቀሳና ይፋዊ የምረጡኝ ዘመቻ ተጀመረ ማለት ነው? የሚል ጥያቄ የሚጭሩ እንቅስቃሴዎች ጐልተው የታዩበት ሳምንት ነበር ማለት ይቻላል።

ከሌሎች ኃይሎች ጋር እሠራለሁ አለ

ኢዛ (እሁድ ታኅሣሥ ፳፮ ቀን ፳፻፲፪ ዓ.ም. January 5, 2020)፦ ሕዝባዊ ወያኔ ሓርነት ትግራይ (ሕወሓት) ከብልጽግና ፓርቲ ጋር የሚያስማሙም ነገሮች ስለሌሉ ብልጽግና ፓርቲን እንደማይቀላቀል በይፋ አስታወቀ።

በአገሪቱ ያለውን ችግር አስወግዶ ዘላቂ ሰላም ለማስፈን ያግዛል ተብሏል

ኢዛ (ሐሙስ ታኅሣሥ ፳፫ ቀን ፳፻፲፪ ዓ.ም. January 2, 2020)፦ በአሁኑ ወቅት በአገሪቱ እየተስተዋለ ያለውን ችግር አስወግዶ ዘላቂ ሰላም ለማስፈን ያግዛል የተባለው የሽብር ወንጀልን ለመከላከልና ለመቆጣጠር የተሰናዳው ረቂቅ አዋጅ ጸደቀ።