ኢዛ (ቅዳሜ ግንቦት ፳፮ ቀን ፳፻፱ ዓ.ም. June 3, 2017)፦ የቀድሞው የኢትዮጵያ ብሔራዊ ቡድን የእግር ኳስ ተጫዋች የነበረው አሰግድ ተስፋዬ፤ በዛሬው ዕለት ከልምምድ መልስ በመታጠቢያ ቤት ውስጥ ወድቆ በአርባ ሰባት ዓመቱ በድንገት ሕይወቱ አለፈ። ሥርዓተ ቀብሩ ሰኞ ግንቦት ፳፰ ቀን ከሰዓት በኋላ በስምንት ሰዓት በቅድስት ሳህሊተ ምህረት ቤተክርስቲያን ይፈጸማል።

ኢዛ (ዓርብ ግንቦት ፲፰ ቀን ፳፻፱ ዓ.ም. May 26, 2017)፦ የፌዴራሉ ጠቅላይ አቃቢ ሕግ በኢሬቻ በዓል ላይ ለሃምሳ አምስት ሰዎች መሞት ምክንያት የኾነውን ኹከት እና ብጥብጥ አስነስተዋል ባላቸው የመጀመሪያዎቹ ሁለት ግለሰቦች ላይ ክስ እንደመሰረተባቸው ተዘገበ።

ኢዛ (ኀሙስ ግንቦት ፲፯ ቀን ፳፻፱ ዓ.ም. May 25, 2017)፦ ዛሬ በአዲስ አበባ ያስቻለው የከፍተኛ ፍርድ ቤት በቀድሞው የሠማያዊ ፓርቲ የሕዝብ ግንኙነት ኃላፊ ዮናታን ተስፋዬ ላይ በተመሰረተው የአሸባሪነት ወንጀል ክስ የስድስት ዓመት ከስድስት ወር እስራት ቅጣት ፈረደበት።

ኢዛ (ኀሙስ ግንቦት ፲፯ ቀን ፳፻፱ ዓ.ም. May 25, 2017)፦ ሳውዲ ዐረቢያ ሕጋዊ የመኖሪያ እና የሥራ ፍቃድ ሳይኖራቸው በአገሪቱ የሚገኙ ኢትዮጵያውያንን ልታባርር ያወጣችውን አዲስ አዋጅ ተከትሎ የኢትዮጵያ ለ30 ሺህዎቹ ጊዜያዊ የመጓጓዣ ወረቀት (ሊሴ ፓሴ) ሰጠ። ከሳውዲ የሚባረሩት ኢትዮጵያውያን ቁጥር 300 ሺህ ነው። ወደ ሳውዲ ያቀኑት የውጭ ጉዳይ ሚንስትር ዶ/ር ወርቅነህ ገበየሁ የሳውዲ ባለሥልጣናትን በጉዳዩ ላይ ዛሬ ያነጋግራሉ።

ቪኦኤ፣ የተባበሩት መንግሥታት የዓለም ጤና ድርጅት ሰባኛ ጠቅላላ ጉባዔ የኢትዮጵያውን ዶ/ር ቴዎድሮስ አድኃኖምን የድርጅቱ ስምንተኛ ዋና ዳይሬክተር እንዲሆኑ ዛሬ፤ ግንቦት 15/2009 ዓ.ም መርጧቸዋል።

ኢዛ (ሰኞ ግንቦት ፲፬ ቀን ፳፻፱ ዓ.ም. May 22, 2017)፦ ለዓለም የጤና ድርጅት ለዳይሬክተርነት በእጩነት ከቀሩት ሦስቱ አንዱ የሆኑት ዶ/ር ቴዎድሮስ አድኃኖም በዛሬው ዕለት ተቃውሞ እንደገጠማቸው ኢሳት በሰበር ዜናው ዘገበ።

አክሊሉ ሀብተወልድ

(ሚያዝያ 27 ቀን 2009 ዓ.ም)፡- ሚያዝያ 27 ታሪካዊ ቀን ናት፤ ከሰባት አስርት ዓመታት በፊት ከፋሺስት ጣሊያን ወረራ በኋላ አገር ነጻነቷን ያወጀችበት ሕዝብ እንደ ሕዝብ ደስ የተሰኘበት ቀን ናት። የዛኔ በስደት የነበሩት ንጉሥ ከስደት መልስ አገራቸው የገቡበት ቀን ነው፤ ዛሬ ግን በደርግ ዘመነ መንግሥት በጽሑፋቸው ለአስር ዓመት ከስድስት ወር በማዕከላዊ ካሳለፉ በኋላ በዘመነ ኢሕአዴግ የ16 ዓመት እስር የተፈረደባቸው። ላለፉት 25 ዓመታት በስደት በአገረ አሜሪካ ሕይወታቸውን የገፉት የሦስት ልጆች እና የዘጠኝ የልጅ ልጆች አባት፤ አገራቸውን ለማቅናት ዕድሜ ዘመናቸውን ሲወጡ ሲወርዱ፤ አገሬን ... አገሬን እያሉ ሞታቸው ከስደት አገር ከወደ ዳላስ የተሰማው አንጋፋው ጎምቱ ጸሐፊ፤ የሕግ ባለሙያ፤ የሰብዓዊ መብት ተቆርቋሪ ፖለቲከኛና ምሁር የአቶ አሰፋ ጫቦ ሥርዓተ ቀብር የተከናወነበት ቀን ነበር።

ኢዛ (ሰኞ ሚያዝያ ፲፮ ቀን ፳፻፱ ዓ.ም. April 24, 2017)፦ በአንደበተ ርዕቱነታቸውና በብዕራቸው በብዙዎች ዘንድ ተወዳጅ የሆኑት አቶ አሰፋ ጫቦ እሁድ ሚያዝያ ፲፭ ቀን ፳፻፱ ዓ.ም. (April 23, 2017) በሰባ ሦስት ዓመታቸው ከዚህ ዓለም በሞት ተለዩ።

አንድ መቶ ሰዎች ቆሰሉ
ጥቃቱ የተፈጸመው በታንታ እና በአሌክሳንድሪያ ከተሞች ነው
ኃላፊነቱን አይሲስ ወስዷል

ኢዛ (እሁድ ሚያዝያ ፩ ቀን ፳፻፱ ዓ.ም. April 9, 2017)፦ ክርስቲያኖች የሆሳዕና በዓልን እያከበሩ ባሉበት በዛሬው ዕለት፣ በግብጽ ሁለት ከተሞች አርባ ሦስት ሰዎች በሽብርተኞች ሲሞቱ አንድ መቶ አስራ ዘጠኝ ሰዎች ቆሰሉ። የሽብር ጥቃቱን ኃላፊነት አይሲስ መውሰዱ ታውቋል።

ኢዛ (ቅዳሜ መጋቢት ፴ ቀን ፳፻፱ ዓ.ም. April 8, 2017)፦ በኢትዮጵያ ወታደራዊ ታሪክ ውስጥ ስም ጥር የነበሩት ሌተናል ጄነራል ጃጋማ ኬሎ ትናንት ከሰዓት በኋላ በዘጠና ስድስት ዓመታቸው ከዚህ ዓለም በሞት ተለዩ።