ዘሄግ (ታኅሣሥ ፮ ቀን ፳፻፲ ዓ.ም. / 15 Dec. 2017) ዛሬ ዲሴምበር 15 ቀን 2017 ከቀትር በኋላ በሆላንድ ዘሄግ ከተማ የዋለው ችሎት በመቶ አለቃ በእሸቱ ዓለሙ አቃቤ ሕግ በቀረበባቸው የጦር ወንጀል ክስ ዕድሜ ልክ እስራት በይኖባቸዋል። በተጠቀሰባቸው ክስ በሙሉ ጥፋተኛ ተብለዋል። ከሁለተኛው ዓለም ጦርነት በኋላ እንዲህ ዐይነት ፍርድ በሆላንድ አገር ሲሰጥ የመጀመሪያው መሆኑን አቃቤ ሕግ ተናግረዋል። በአገሪቱ ሕግ የዕድሜ ልክ እስራት አመክሮ የለውም።

ኢዛ (እሁድ ጥቅምት ፳፮ ቀን ፳፻፲ ዓ.ም. November 5, 2017)፦ በኢትዮጵያ ከኢሕአዴግ ኢንዳውመንት ድርጅቶች በመቀጠል የአገሪቱን ሀብት በሁለተኛ ደረጃነት ይቆጣጠሩታል ተብሎ የሚነገርላቸው ባለሀብቱ ሼህ መሐመድ ሑሴን አል-አሙዲ በሙስና ተጠርጥረው ታሰሩ።

ሰለሞን ዓለም ካፈራቻቸው ደራሲያን እኩል ነው! ከነሼክስፒር፣ ከነቫይነር ጭምርደራሲ ስብሃት ገ/እግዚአብሔር

ሰለሞን ቦታውን የማይለውጥ የሰሜን ኮከብ ነበርአምባሳደር ብርሃኑ ዴሬሳ (ወንድም)

ሰለሞንን የደረሰብኝን ችግር አማክሬው፤ ችግሩን በሌላ አቅጣጫ እንድመለከተው አድርጐ ፈውሶኛልማርክ ፖል ደራሲና የማርሻል አርት ባለሙያ (የሰለሞን የቀድሞ ተማሪ)

የኔን ንጹሕ ኦሮሞነት የሚያውቁት ሴት አያቴ ብቻ ናቸውሰለሞን ዴሬሳ

ኢዛ (እሁድ ጥቅምት ፳፮ ቀን ፳፻፲ ዓ.ም. November 5, 2017)፦ ደራሲ፣ ገጣሚ፣ የፍልስፍና ምሁርና ተመራማሪ የነበረው ሰለሞን ዴሬሳ፤ አሜሪካ በሚኒሶታ ግዛት ሚኒያፖሊስ በሚገኘው መኖሪያ ቤቱ ጥቅምት ፳፫ ቀን ፳፻፲ ዓ.ም. (Nov, 2, 2017) ከዚህ ዓለም በሞት ተለይቷል።

የአምስተርዳም ስብሰባ ጥያቄውን ይመልሳል

ካለፈው ኦገስት ወር ጀምሮ እጅግ ተጋንኖ ሲወራ የነበረ ጉዳይ ነው። ፌዴሬሽኑ ሮም ላይ ተዘርፏል። ይህንን “ዝርፍያ” ልዩ ያደረገው በቅንብር እና በጥናት የተሰራ ነው የሚሉት ጥቂት አልነበሩም። ከውጭ የሚወራው እና የሚጻፈው ነገር ብዙ ነው። ፌዴሬሽኑ እንዴት እና ለምን ተዘረፈ? የሚለው ጥያቄ ግን ምላሹ ከመላ ምት ያላለፈ አልነበረም። ቅዳሜ፣ 14 ኦክቶበር 2017 በአምስተርዳም ከተማ የተካሄደው ዓመታዊው የቦርድ አባላት ስብሰባ ይህንን እንቆቅልሽ የፈታው ይመስላል። በዕለቱ ከሳሽ እና ተከሳሽ በተገኙበት፤ ጉዳዩን በግልጽ ለመወያየት ተችሎ ነበር። ካሜራችን ሂደቱን በድምጽና ምስል ይዞታል።

በማንተጋፍቶት ስለሺ ተሰርቶ ለእይታ የበቃው ”ግርታ” (GERRETA) የተሰኘው ኢትዮጵያዊ አጭር ፊልም በዓለም አቀፍ ደረጃ ተሸላሚ ኾነ። ይኽ ፊልም ሽልማቱን ያገኘው ጣልያን ላይ ተካሄዶ በነበረው The 9 river film festival, Padova ሲሆን፣ በያዝነው ወር አጋማሽ (ከ 17-26 august 2017) በአምስተርዳም የሚካሄደው የዓለም-አቀፍ ሲኒማ ፌስቲቫል ላይም ይቀርባል።

ኢዛ (ማክሰኞ ሐምሌ ፳፭ ቀን ፳፻፱ ዓ.ም. August 1, 2017)፦ “ደህና ናችሁ ልጆች የዛሬ አበባዎች የነገ ፍሬዎች እንደምን አላችሁ ልጆች” በሚለው አባባላቸው በበርካቶች ዘንድ የሚታወሱትና የማይረሱት አባባ ተስፋዬ (አርቲስት ተስፋዬ ሳህሉ) ትናንት ሐምሌ ፳፬ ቀን ፳፻፱ ዓ.ም. (July 31, 2017) ከሰዓት በኋላ በመኖሪያ ቤታቸው በዘጠና አራት ዓመታቸው ከዚህ ዓለም በሞት ተለዩ።

ኢዛ (ሰኞ ሐምሌ ፲፯ ቀን ፳፻፱ ዓ.ም. July 24, 2017)፦ መንግሥት ቀደም ሲል ያውጣውን በቀን ገቢ ግምት ላይ የተመሰረተ የግብር ክፍያን በመቃወም በተለያዩ የአገሪቱ ከተሞች ተቃውሞ መነሳቱ ይታውቃል። ይኼው ተመን በነጋዴዎችና በሕዝቡ ጉሮሮ ላይ የተሰነቀረ አጥንት በመሆኑ በመላው አገሪቱ ነጋዴዎች ተቃውሞ አስነስቷል። በዚሁም መሰረት በአዲስ አበባ በሚገኘው በመርካቶ ገበያ ማዕከል ተቃውሞ በመነሳቱ፤ በርከት ያሉ የንግድ ቤቶች ዝግ ኾነው ውለዋል። የጣና ገበያ አዳራሽም በመዘጋቱ ምክንያት መርካቶ ጭርና ቅዝቅዝ ብላ አርፍዳለች።

ማቴዎስ ዘገየ (ከስዊድን)

በዚህ በያዝነው የአውሮፓውያን በጋ ሐምሌ ወር፣ የሰከነ የሕይወት እንቅስቃሴና የረጋ ጸጥታ የሚታይባት፣ ከአውሮፓ ጽዱ ከተሞች አንዷ የሆነችው የስዊድን ዋና ከተማ ስቶክሆልም፤ ፳ኛውን በአውሮፓ የኢትዮጵያ ኦርቶዶክስ ተዋህዶ ዓመታዊ ስብከተ ወንጌል ጉባዔን በተሳካ ኹኔታ አስተናገደች።

በመላው አውሮፓ በሚኖሩ ኢትዮጵያውያን የኦርቶዶክስ እምነት ተከታዮች በየዓመቱ የሚዘጋጀው ይኸው መንፈሳዊ ጉባዔ ከሐምሌ (ጁላይ) ፲፬ እስከ ፲፮ ቀን ፳፻፲፯ እ.ኤ.አ. ድረስ ከተለያዩ የአውሮፓ ከተሞች የመጡ ምዕመናን፣ እንዲሁም ከአውሮፓ፣ ከአሜሪካና ከካናዳ የመጡ ብፁዓን ጳጳሳት በተገኙበት ነበር በተሳካ ኹኔታ የተካኼደው።

ኢዛ (እሁድ ግንቦት ፳፯ ቀን ፳፻፱ ዓ.ም. June 4, 2017)፦ ቅዳሜ ከምሽቱ አራት ሰዓት በኋላ፣ በሎንዶን እምብርት በሚገኘው የሎንዶን ድልድይ አካባቢ ሦስት ጀሃዲስት አሸባሪዎች ሰባት ሰዎችን ገድለው አርባ ስምንት ሰዎችን ካቆሰሉ በኋላ፣ በእንግሊዝ ታጣቂ ፖሊሶች ተገደሉ።

ኢዛ (ቅዳሜ ግንቦት ፳፮ ቀን ፳፻፱ ዓ.ም. June 3, 2017)፦ በዛሬው ዕለት በስቶክሆልም፣ ስዊድን በተደረገው ፴፱ኛው የስቶክሆልም ማራቶን ኢትዮጵያውያኖቹ አትሌቶች በሴቶችም፣ በወንዶችም አንደኛና ሁለተኛ በመሆን ውጤቱን ተቆጣጠሩት።