«እኔ ላንቺ ብዬ …» (ወለላዬ)

«እኔ ላንቺ ብዬ …»

ወለላዬ ከስዊድን (This email address is being protected from spambots. You need JavaScript enabled to view it.)

(ግጥሙን በፒ.ዲ.ኤፍ. አስነብበኝ!)

እኔ ላንቺ ብዬ ላንቺ ግርማ ሞገስ

ዝናሽን ሳወራ ስምሽን ሳወድስ

ተፈጥሮ በሰጠሽ ውበትና ጸጋ

ስደሰት ስደነቅ አስሬ ሳወጋ

ስዘምር ስጠራሽ በየአውራ መንገዱ

ልጅነቴ አለፈ ጃንሆይ ወረዱ። ሙሉውን አስነብበኝ ...

ወፈፍታ

አጭር ልቦለድ

ዓለማየሁ ታዬ This email address is being protected from spambots. You need JavaScript enabled to view it.

ጎጆዪቱ በሙቀትዋ ጎረቤቶችን አቅፋለች። ማዕዘን ላይ በበሬ ቆዳ ተለጉሞ በጠፍር ግጥም ተደርጎ የታሰረ አቧራ የጠጣ አገልግል ተሰቅሏል።

ሙሉውን አስነብበኝ ...

ወዳጄ (ከአርቲስት ሰርካለም ተፈሪ)

ወዳጄ (ከአርቲስት ሰርካለም ተፈሪ)

 

አንተ የወንዜ የዋህ

ከአንደበቴ የማ’ጠፋው

ብትተወኝ የማልተውህ

ብትቆርጥ እንኳን የማልቆርጠው

በሆዴ ጉድህን ይዤ

በደስታህ ደስ ሲለኝ

በክፋትህ ተክዠ የምኖረው።

ሆዳምም ሆንክ ወሬኛ

ክፉም ሆንክ ቀማኛ

በውስጤ ብልጫ አለህ

አፌ እንኳን ሰላምታ ቢነፍግህ።

እናም ወዳጄ አንተ የዋህ

እጅህን በጅህ አትንከስ

አትፍተለው እስኪበጠስ።

አንተም ለወገንህ አድላ፤

ለባእዳን አታስቀድም

የደበከውን ፍቅር አውጣው፤

ከውስጥ ከልብህ ግርግም ።

የሗሊት ከመገስገስ የደጋጎችን ስም ይዘን፣

እስቲ በጎ በጎ እናስብ

ትንሽ እንኳን ቅን እንሁን።

ክፋት ምን አቅም አለው

ያው ክፍት ነው ምሱ

መከፋፈል፣ መጠላላት፤ መጨራረስ እርስ በርሱ

ጸብም ፍቅርም ድሮም አለ፤

አሁንም ቅኝቱ አንድ ነው

አንጀት እየቆረጠ ቢሄድም ክፉ ስለት እየሳለው።

እናም ወዳጄ አንተ የወንዜ የዋህ

እያማኸኝ የምኖረው ተደብቄ ከጉያህ

እጅህን በእጅህ አትንከስ አትፍተለው እስኪበጠስ

አሳልፈህ አትስጠኝ

ባስከፋህም ገስጸኝ፤

እኔስ ካላንተ ማን አለኝ።

አንድ ሞት! ከአትክልት አሰፋ

ሄደች አሉ ሄደች፤ እንደወጣች ቀረች

ላታይ ወደሗላ አሻፈረኝ አለች፣

‘ልጆቼ ተርበው አይኔ ከሚያይብኝ፣

ምስቅልቅል ሀገሬን ተመልሸ ከማይ

ድህነት፣ ርሀብ፣ ብድርና ስቃይ

ከሚያንከራትቱኝ ከታችና ከላይ

እዚሁ አለሁበት ከአረቦች ሀገር

አረቦቹ ምድር

ሬሳየ ወድቆ በሜዳ ላይ ይቅር።’

ብላ ትታን ሄደች::

የሗሊትን ትታ ወደፊቷ አመራች

አንድ ሞትን መርጣ

ሁለት ሶስቱን ተወች።

 

(ለአለም ደቻሳ) march 17/12

አዲስ ቪዲዮ

ይከተሉን!

ስለእኛ

መጻሕፍት

ቪዲዮ

ኪነ-ጥበብ

ዜና እና ፖለቲካ