Ethiopia Zare (ቅዳሜ ሰኔ 7 ቀን 2000 ዓ.ም. June 14, 2008)፦ አንድነት ለዴሞክራሲና ለፍትህ ፓርቲ መሥራች ጉባዔውን ለማድረግ ዛሬ ጠዋት በኢምፔሪያል ሆቴል ሊያደርገው ያቀደውን ጉባዔ ፖሊስ ያስተጓጎለው ሲሆን፣ በመቀጠልም በፓርቲው ጽሕፈት ቤት ከሰዓት በኋላ ሊካሄድ የነበረውን ስብሰባ ፖሊስ ጽ/ቤቱን በመክበብ ተሰብሳቢዎቹ ቅጽር ግቢውን ለቅቀው እንዲወጡ ትዕዛዝ እየሰጠ መሆኑን ከስፍራው ለኢትዮጵያ ዛሬ የደረሰው ዘገባ አስረዳ።

ከስፍራው በስልክ ያገኘነው መረጃ እንደሚጠቁመው ከሆነ በኢትዮጵያ ሰዓት አቆጣጠር 7፡45 ሰዓት (1፡45 PM) ላይ ፖሊስ ተሰብሳቢዎቹን “ግቢውን ለቅቃችሁ ውጡ!” እያላቸው እንደሚገኝ ለማወቅ ችለናል።

ከኢትዮጵያ ዛሬ፦ ተጨማሪ ሪፖርት በተቻለን ፍጥነት አጠናክረን እናቀርባለንና፤ ትንሽ ቆይተው ተመልሰው እንዲጎበኙን እንጠይቃልን።