ባለፈው አንድ ዓመት በየሣምንቱ ”የረቡዕ ግጥም” በሚል ሃምሳ ሁለት ግጥሞችን ”ወለላዬ” በሚል የብዕር ስም የሚታወቀው ገጣሚ ማትያስ ከተማ ሲያቀርብልን ቆይቷል።

የረቡዕ ግጥም ሣምንቱ ሲሰላ

ሃምሳ ሁለተኛው ድፍን ዓመት ሞላ

እኔም ከቀኑ ጋር እየሮጥኩ አብሬ

በዚህ አበቃሁኝ ሥራዬን ቋጥሬ

አጠፋ አይመስለኝም ድንገት ካጠፋሁኝ

ስተቴን እንዳውቀው ባንተ ዓይን አሳየኝ

በአፍህ ልናገር በጆሮህም ልስማ

ዘመን እንዲለምደኝ ከሰው እንድስማማ

ስጠጣው ሲጠጣኝ

ስቅመው ሲቅመኝ

ሳጨሰው ሲያጨሰኝ

ላልጨርስ ጀምሬው

ራሴን ጨረሰኝ

ቢሸሽና ቢያመልጥ ቢፈራ ቢደበቅ

ድምፁንም ቢያጠፋ ከሀገሩም ቢርቅ

ፈሪ እንዳይመስላችሁ የሰው ልጅ ለነፍሱ

እሞታለሁ ብሎ አይሳሳም ለራሱ

ከበደኝ ብላቸው የኑሮዬ ሸክሙ

ተቀላቀል አሉኝ ግባ ከሲስተሙ

ምንድነው የሚባል ይሄ በአማርኛ

ሲስተም ተከትለን አድገናል ወይ እኛ?