ዓባይ

ብርዞ - ከፍራንክፈርት This e-mail address is being protected from spambots. You need JavaScript enabled to view it

ዓባይ የምድረ ንስር ሲሳይ

የጥቁር አፈር ሽታ የሰሜን ተራራ ክፋይ

የከርሰ ጦቢያ ውልድ የምህተዓመት ፍሰት

የሥልጣኔ ዓሃዱ የሰብህና ጅምር እውነት

የጠመዝማዛ ጉዞ ዜማ የውሃ ሳቅ ትርዒት

የእምይ ጦቢያ እምብርት ማራኪ ቀለም ውበት

የእንዶድ ፏፏቴ ዝላይ የአምቁ ጢስ ምትሓት

የሕዋ ምድር ተምሳል የማይጠገብ ትዕይንት

ባለከበረው ድንጋይ ደንደሳም ባለደለል

ብድግ ወረድ ዘርገፍ ፈንጠር ጎምለል ከብለል

ጦብያ እናትህን እያት አንገትህን አርገው ዞር

ሸክምህን አራግፈህ አስተውላት ባንተ ትታደግ ትጦር

የባጎረስኩኝ እጄን ተረት ያድካሚው ጉዞ ምላሽ

የትውልድ ስጋት ፈተና አትሆንም ፍፁም ጭራሽ

አረንጓዴውን ራዕይ የነፍስ አድኑን ተስፋ

በተቀደሰ ምድርዋ ላይ ታደርገዋለህ ይፋ

ብርዞ ከፍራንክፈርት This e-mail address is being protected from spambots. You need JavaScript enabled to view it