Home ኪነ-ጥበብ ግጥም ውሸት ነገሠ (ዳግማዊ ዳዊት)
ውሸት ነገሠ (ዳግማዊ ዳዊት) Print E-mail
User Rating: / 4
PoorBest 
Art - ግጥም Poem

ውሸት ነገሠ

ዳግማዊ ዳዊት This e-mail address is being protected from spambots, you need JavaScript enabled to view it

መስቀል አደባባይ - ሀዝባችን ተጠርቶ

ሕፃን ሽማግሌው ባልቴት እና አዋቂው -

ግልብጥ ብሎ ወጥቶ

የክብር እንግዶች - ከአውሮጳ ከእስያ

ከጎረቤት ሀገር - ጅቡቲ ኬንያ

የአሜሪካው ቆንሲል - ሚስተርም ተገኝተው

ጳጳሱ ተጠርተው - ካህናት ቀድሰው

ቅባ-ቅዱስ ፈልቶ - በአናቱም አፍስሰው

አክሊል ተደፋለት - እምቢልታ ተነፋ

ህዝብ ሠገደለት - ሥልጣን ክብሩ ሰፋ

ከበሮ ተመታ - ሆታውም ቀለጠ - እልልታ ተሰማ

ውሸት ንጉሥ ሆነ - ስርቆት አልጋ ወራሽ - በሀገሬ ከተማ።

 

እናም የእኛ ሰፈር - ትልቅ ሽማግሌ

አንቱ የተባሉት - ትናንት እና ዛሬ

በቁርባን ያገቡት - በክርስትናቸው

ይኸው በአደባባይ - ሲዋሹ ያዝናቸው።

 

መቸ ይኸ ብቻ - ሆነና ነገሩ

በሃሰት ተከስሰው - ተሰማና ፋይሉ

ደግነት ቅንነት - እስር ቤት ገቡ አሉ።

 

እንግዲህ ምን ይሉ - ዘመን ተቀየረ

ውሃ ሽቅብ አይፈስ - ሲባልም ነበረ

ዘመን ተገላብጦ - ውሸት ተከበረ።

 

ኑሯችን ሆነና - ከደሃው ቀምተን

እውነትን ንቀነው - ውሸትን አንግሠን

ወደፊት ለመሄድ - መራመድ አቃተን።


ዳግማዊ ዳዊት This e-mail address is being protected from spambots, you need JavaScript enabled to view it

የካቲት 2002 ዓ.ም.

 
 
Ethiopian-Eritrean Friendship Conference, San Jose March 12-14

Memorial for Abune Zena Markos

በጽሑፍ መሳተፍ ለምትፈልጉ በሙሉ!

በማናቸውም ጉዳይ ላይ ያለዎትን ሃሳብ፣ አስተያየት፣ ትችት፣ ግጥም፣ ልብወለድ፣ … በማይክሮሶፍት ወርድ ፕሮግራም በዩኒኮድ ፎንት ጽፈው ከራስዎ ኢ-ሜይል ሳጥን ጽሑፎትን አያይዘው በኢ-ሜይል አድራሻችን 

ethiopiazare@gmail.com ቢልኩልን ለሥራችን ቅልጥፍና ይረዱናል።

ኢትዮጵያ ዛሬ