|
ሺ ዓመት ከ
This e-mail address is being protected from spambots. You need JavaScript enabled to view it
ሰከንድ ደቂቃ ሰዓቱ ተቆጥሮ ቀን ሣምንታት ወራትን ጨምሮ ሚሊኒየም ሄደ ዓመታት ደምሮ
ስንቶቹ ነገሡ ወይ ንጉሥ ተባሉ ከዘመን ዘመኑን እየተካፈሉ ጥጋብ ደስታ ነበር እገሌ ሲነግሥ በጦርነት በልቂት ሌላው ሲታወስ እርጥብ ነው ዘመኑ ቀና ነበር ኮቴው ያማ ደረቅ ጊዜ አካካጅ ዘመን ነው ጭቆና ተጠልቶ ሽፍታነት ሲኖር ያም ዘመን በስሙ ተጠርቶ ነበር ኃይማኖት አጥንቶ ለኃይማኖት ተገዝቶ ሁሉም ያልፋል ያለም በየዘመን ታየቶ ደግ ክፉም ፍጡር በየዘመን ገብቶ ዘሩን ሲያስተላልፍ በየፊናው ዘምቶ መውደቅ መነሳቱ መወለድ ማለፉ ዕድሜ የሚለካበት በየድርጊት ዘርፉ መቁጠሪያ ነበረ ዘመን መለኪያው የየዝንባሌው የየአምልኮቱ ጅምር መነሻው በሽታ እንኳን ባቅሙ ስም እየፈረጀ በዕድሜ ሳይወሰን ድንገት እያጃጀ እሱም ጊዜያቶቹን ዘመን እያወጀ ብቅ ሲል ታድሶ ሲከርም እያረጀ እስኪገኝ ፈውሱ የሰውን ዘር ፈጀ ዘመነ ስደትም የፍጡር ሀገር ሰፍቶ ቀየ ያስጥል ጀመር ጥበቡን ዘርግቶ በዘመድ በትዳር በዲቪ በሥራ በጉብኝት ይሁን በሃጅና ኡምራ በሥራ በትምህርት በሥልጠናም ስም ያገር ፍቅር ስሜት ተብሎ አፈርቃም ዘመኑ አሳይቷል ሀገሮች ተባዝተው እርስ በርስ ሲፋጩ ዘር ጎሣ አበጃጅተው በትምክህት መኖር ቅንነት አፍርሶ በእበልጣለሁ ጎራ እራሱን ኮፍሶ ይበልጣል ያለማ ጥቅሙን አገናዝቦ ሲዋሃድ አይተናል አንድነቱ አብቦ አላፊና መጭን በወጉ ለክቶ ቁም ነገር ቢሠራ ሰው ተረጋግቶ በኖረበት ዘመን በየፊናው ተግቶ በሠላም በፍቅር በኩልነት ጠንቶ ጥበቡማ ቢኖር ልኩን ብንሰፍር እድገታችን በውል ፈር ይይዝ ነበር ጊዜ የሰጠው ሰው ዘመን እዘዝ ያለው ለራሱ እንደሚወድ ባያስብም ስለ ሰው ቀና ቢሾምበት ቅን የሚያስተጋባ ሹምም ባያበዛ የግፍ ባልደረባ ጥቅሙን ብቻ የሚያይ ተንኮል አረብርቦ ታዛዥም ሰው ባይንቅ ቅናትን ደርቦ ባዎንታም አሉታም ለሚገኝ ድል በቅን መንፈሥ የመቀበል ባህል ቢዳብር ቢስፋፋ በየዘርፉ እርምጃ ሐቅ ግልፅ ቢሆን ያለምንም ምልጃ ለማሻሻል እንጂ ሳይሆን ለመናናቅ ማሸነፍ መሸነፍ ያለ እንደሆን ልናቅ ላለፈ ምስጋና ቢሰጠው ቅድሚያ መጭን ብናደርገው ጉድለት ማሻሻያ ምሳር ከማብዛቱ ያለፈን ለመጉዳት ያለውን ሥርዓት ብንጠርብ በብልሃት ሁሉም ቢከፈለው ልክ እንደልፋቱ የዘመን መሰላል መውጪያ መውረጃው ያራምደን ነበረ በቅን ብንይዘው ሁሉም በየመልኩ አያያዥ ሰንሰለት እንዳለው ተፈጥሮ ሁሉም ተገንዝቦት ጣፍጦ የተሠራ የዘመን መሠረት ልክ እንደ ቅመሙ ቢመጣጠንለት በመከባበሩ በመደጋገፉ በመተሳሰቡ ለሁሉ የሚያመች አራማጅ ቢክቡ ያለፈን በፀፀት መጭን በቂም በቀል ከመቀበል ይልቅ በይቅርታ ቢቀል ለትውልድ የሚያልፍን ዘላቂ ግብር በጥናት ወይ በንድፍ ውጥን ማስመር ቢበላሽ ይበላሸ ባይሆንም ይቅር ብሎ አያዘልቅ ጉዞን አለ መጀመር ሁሉም የየአቅሙን ቢያካፍል ቢያዋጣ በቅን ለመሰለፍ ቢሞክር ቢቃጣ ስም የሚያሰጥ ድርጊት ተዝካር የሚሆን ያታደል ይሆናል መጥሪያ ለዘመን ግልፅ እንደመስታወት አሽሙር ያልሸፈነው የውይይት መድረክ ንቃት ያነፀረው አፈንጥቆ የሚያሳይ የእውቀትን ጮራ ሁሉን እንደየዕድሜው በቅድ ያሰማራ ቢዳረስ ላገሬው ለትውልድ ቢዘራ ያ ዘመን መልካሙ ተብሎ እስኪጠራ የሰው ልጅ አንጎልም መጥቆ በጣም ነቅቶ ቴክኖሎጂ ረቆ ማወቅ ማሳወቁ ብሩህ ሆኖ ጎልቶ ጠቅሞ መጠቀምን ማፈስ ማጨድ ዘርቶ በጎሣና በዘር ከሚደክም አንጎል ነፃነት አራቁቶ ምልክት ያለበት መጠሪያው ያማረ ራሱን ባዎንታ መልኩ ያዘከረ ህዝብንና ሀገርን ከሕመም ያሻረ ስምና ሞገስን የሰጠ የቸረ ቢሆን መጭው ዘመን ፀጋ ያለበሰ ሌላ ዕልፍ ዘመን ሀገር ያስሞገሰ ባንኖርም ልናኖር ታሪክ ተመዝግቦ ለመጭው አክባሪ ሺ ዓመትን አስቦ
ከ
This e-mail address is being protected from spambots. You need JavaScript enabled to view it
|
