እንበል አስራ ሰባት*

ከእንቆጳ This e-mail address is being protected from spambots. You need JavaScript enabled to view it

ከጨለማው በስተጀርባ

ከድቅድቁ ብርሃን አልባ

ከጣይቱ መውጫ ማዶ

ሰው አየሁኝ ዛሬ ማልዶ።

የጥቁር ዘር አፍሪቃዊ

የኩሽ ቅሬት ነባራዊ

የበቀለው ካገሬ-አፈር

የሜቶ ልጅ የብርቱ ዘር።

እንደተወጣው ሽቅቡን

የቅኝ ግዛት አቀበቱን

አባ ዳኘው ዛሬም ከርሞ

ሞተ ስንል ነቃ ደግሞ

ስብዕናን አገልድሞ።

የወንዜ ልጅ ጊቤ-ባሮ

የአኟክ ፍሬ ከኩሽ ጓሮ

ዛሬም ያፈራል ደግ-ደጉን

የምዬ ሆድ ወንድም ክንዴን

ሩቅ አላሚ አሳቢዋን እታለምን።

ታየ! ሰው ታየ! ከዚያ መንደር

ለወገን ስንቅ ጥላ ላገር።

ፍትህ ናፍቆት እንደብርቱ እንደህቱ

ፍቅርን ሰብኮ በጠዋቱ

አለ ዘሬን ከስር ፍቱ!!