የአውራዎች አንድነት

ዳግማዊ ዳዊት (ጥቅምት 2002 ዓ.ም) This e-mail address is being protected from spambots. You need JavaScript enabled to view it

ጃርት የሚባል አውሬ - ግፍ ቢያበዛበቸው

ንቦቹ ወጡና - ከየመኖሪያቸው

ጥያቄ አቀረቡ - ለየአውራዎቻቸው።

ስብሰባ - ቁጭ አሉ፣

በስፋት - መከሩ።

አውራዎቻቸውን - ፊት ለፊት ቁጭ አርገው

እንዲህ ነገሩዋቸው

እንዲተባበሩ

መሪዎቹ ሁሉ

አውራዎች በሙሉ - በአንድነት ከሰሩ

ክፉ ጃርት አይመጣም - በዚህ በሰፈሩ።

ቃልም ተገባቡ - ከዚህ ቃል ላይወጡ፣

ለአናቢው ገበሬ - ትዕዛዝንም ሰጡ

አንተ ንብ አናቢ - ከዛሬ ጀምረህ

አሳየን ብለናል - በአንድ ቀፎ አድርገህ።

አናቢው ገበሬ - ልቡ እያመነታ

ትናንት በሚያውቀው - በለመደው ፋንታ

አንድ ቀፎ መርጦ - በጭስ አጠነና

ንቦችን በመሉ - ከአውራዎቹ ጋራ

በአንድ አስቀመጣቸው

እንደጥያቄያቸው።

…

ያለ አፈጣጠሩ

ሆኖ ትብብሩ

እያንዳንዱ መሪ - ሠራዊቱን ይዞ

ቀፎው ባዶ ቀረ - ንብ ሁሉ ተጉዞ።

ድሮም ሆኖ አያውቅም፣

ትናንት ሆነ ዛሬም

አንድ የንብ አውራ ነው - ከሺህ ሠራዊት ጋር

ውጤትን የሚያሳይ - የሚጋግረው ማር።

ዳግማዊ ዳዊት

ጥቅምት 2002 ዓ.ም.

This e-mail address is being protected from spambots. You need JavaScript enabled to view it